EACHAdnoddau EACH
Read this page in English
ADNODDAU
Adnoddau EACH
Posteri a Sticeri
Yn anffodus, nid oes fersiwn Gymraeg o’n hadnoddau ar gael. Dyma restr o rai o’r adnoddau rydym yn cynnig i ysgolion a rhai sy’n gweithio gyda phobl ifanc:
Inspiring Equality in Education School Resource
Canllaw sy’n cynnig arweiniad ar bolisïau ac arferion sy’n esbonio cyfreithiau perthnasol, dysgu am hunaniaeth LHDT+, hyfforddiant a datblygiad staff, gwella polisïau gwrth-fwlio a chefnogaeth un-i-un ar gyfer pobl ifanc LHDT+.
Inspiring Equality in Education: Primary Lesson Plans
Saith cynllun gwers ar gyfer ysgolion cynradd, yn dathlu gwahaniaethau, teuluoedd, perthnasau, hunaniaeth o ran rhywedd, a phobl hanesyddol LHDT+.
Inspiring Equality in Education: Secondary Lesson Plans
Naw cynllun gwers ar gyfer ysgolion cyfun, sy’n trafod iaith ragfarnllyd a bwlio, bywyd lesbiaidd, hoyw, deurywiol, a thrawsrywiol, y cyfryngau cymdeithasol, rhagfarn a rhywedd.
That’s So Gay! Challenging Homophobic Bullying
Canllaw ymarferol i’ch helpu i wneud eich ysgol yn lle diogel a chreu diwylliant cynhwysol sy’n lleihau bwlio. Mae’n creu darlun o fwlio homoffobig , pwy sy’n ei ddioddef, a’r rhesymau pam mae pobl ifanc yn bwlio eraill mewn ffordd homoffobig.
Mae hefyd yn esbonio pam y mae pobl ifanc yn aml yn gyndyn i roi gwybod am fwlio homoffobig, rôl gynyddol y rhyngrwyd, a’r effeithiau difrifol y gall bwlio ei gael pan fydd y dioddefwr yn oedolyn. Mae’n cynnig yr holl gyngor sydd ei angen arnoch i leihau bwlio, gweithio gyda’r rhai sy’n bwlio, cefnogi targedau bwlio, delio gyda datgeliadau, a pholisïau gwrth-fwlio ar draws yr ysgol gyfan.
Wedi’i ysgrifennu gan Gyfarwyddwr Gweithredol EACH, Jonathan Charlesworth, mae hwn yn ganllaw hanfodol ar gyfer ysgolion, athrawon, ac unrhyw un sydd â dyletswydd gofal mewn perthynas â phobl ifanc.
I archebu copi am £20.39 (yn cynnwys pecynnu a phostio), cysylltwch â director@each.education neu ffoniwch 0117 946 7607.
Reach Teaching Resource: A toolkit for teachers and youth workers to challenge homophobic, sexist and cyber bullying
Mae adnodd dysgu gwobrwyedig EACH yn ganllaw cynhwysfawr a sensitif ar gyfer y rhai sy’n gweithio gyda phobl ifanc i edrych ar faterion hanfodol fel homoffobia, rhywiaeth, a bwlio ar-lein.
Mae’r adnodd yn berthnasol i flynyddoedd 7-13 (Cyfnodau Allweddol 3,4 a 5) ac mae’n cynnwys cynlluniau gwersi , syniadau am weithgareddau grŵp, gwybodaeth am ddolenni i’r cwricwlwm cenedlaethol, posteri, a DVD sy’n cynnwys 13 ffilm fer.
Mae’r adnodd hwn, gan gynnwys nodiadau ar gyfer athrawon a dau gopi o’r DVD, yn costio £39.99 yn unig (yn cynnwys pecynnu a phostio).
Cyberhomophobia and Bullying
Adroddiad sy’n crynhoi casgliadau seminar ar homoffobia ar-lein a bwlio, a drefnwyd gan EACH a B.I.G yn yr Adran Addysg. Daeth arbenigwyr gwrth-fwlio a diogelu at ei gilydd i drafod dulliau o addysgu diogelwch ar-lein i’r bobl mwyaf agored i fwlio rhagfarnllyd.
Safe to Learn: Embedding anti-bullying work in schools
Canllaw a ysgrifennwyd gan EACH a Stonewall ar gyfer yr Adran Plant, Teuluoedd ac Ysgolion. Yn 2007, cynhyrchodd yr Adran Plant, Teuluoedd ac Ysgolion gynt (yr Adran Addysg erbyn hyn) gyfres o ganllawiau i helpu ysgolion ac awdurdodau lleol i leihau ac ymateb i fwlio, gan gynnwys cyngor arbenigol ar fwlio homoffobig a thrawsffobig.
Out of the Shadow: Guidance to Bristol Schools on the Repeal of Section 28
Canllaw EACH i ysgolion ar ddiddymu Adran 28, a gomisiynwyd gan AALl Bryste ac sy’n berthnasol i ysgolion ar draws y Deyrnas Unedig.
Yn ôl Adran 28 o Ddeddf Llywodraeth Leol 1988, nid oedd gan awdurdodau lleol yr hawl ‘i annog unrhyw ysgolion a gynhelir i addysgu bod cyfunrywioldeb yn dderbyniol fel perthynas deuluol honedig’. Cafodd y ddeddf ei diddymu yn 2003, ond mae ei hetifeddiaeth yn parhau o ran dulliau o herio bwlio homoffobig a thrawsffobig.
Posteri codi ymwybyddiaeth (5 am £10)
Sticeri ‘Safe Space’ ar gyfer ysgolion, clybiau ieuenctid, a grwpiau ieuenctid eraill £3.99
Gallwch hefyd lawrlwytho a phrintio’r posteri isod AM DDIM ar gyfer y lleoliad perthnasol:
For more information about our education related training or consultancy, email director@each.education
Read this page in English
© 2003-2019 EACH, all rights reserved
EACH - Educational Action Challenging Homophobia is an incorporated charity
registered in England and Wales, Charity No: 1095665
Contact us at info@each.education or 0117 946 7607
Registered Office: Office 27, 42 Triangle West, Bristol BS8 1ES
Company No: 04440134 - limited by guarantee
Read our Privacy and Cookie Policy · Site built by Hedgehogweb
